منتدى ارت هاوس
اهلا بك عزيزى الزائر
نرجوا منك التسجيل فى المنتدى
ونتشرف بك كونك عضوا فى منتدى ارت هاوس

منتدى ارت هاوس

منتدى شامل يهتم بالكمبيوتر والسياسة ومد العاملين بمعلومات عن وطيفتهم
 
الرئيسيةالبوابةاليوميةس .و .جالتسجيلدخول

شاطر | 
 

 التعديلات الدستورية فى قاعدة شاى

اذهب الى الأسفل 
كاتب الموضوعرسالة
Admin
Admin


عدد المساهمات : 342
نقاط : 1021
الرتبة : 15
تاريخ التسجيل : 19/02/2011
العمر : 42

مُساهمةموضوع: التعديلات الدستورية فى قاعدة شاى   الأحد مارس 13, 2011 11:42 pm

التعديلات الدستورية فى قاعدة شاى


التعديلات الدستورية ببساطة بتقول عايزين ريس مصرى ابن مصرى يحس بينا ومراته مصرية جاية من وسطينا يعنى بيته كله مصرى زى بيوتنا وعياله اتربوا فى وسطينا وإحنا إللى نختارة بنفسنا ومش اى حد يقول أترشح وإلا تبقى ميغه لازم يكون معاه 30 عضو مجلس شعب أو شورى ويقولوا عايزينه أو يجيبلنا ورقه ممضية من 30 ألف مصرى يقولوا إحنا عايزينه، بس إيه يكونوا من 15 محافظة مش يجيبهم من محافظتة والمحافظة إللى جنبه وخلاص لأ يكون معاه على الأقل من كل محافظة ألف واحد وكمان مينفعشى واحد يقول انا عايز اتنين رؤسا، تيجى إزاى مينفعش. ولازم ولابد بعد ما ينجح يختار له نائب مصرى ابن مصرى ومن بيت مصرى يعنى مراته برضك مصرية.
وكمان قبل ما نختار الريس لازم يكون عارف أنه هيحكم فترتين وبس وكل فترة متزديش عن 4 سنين يعنى يبقى عارف إن بعد 4 سنين هنقولوا روح أو خد لك فترة كمان وبعد 8 سنين هنقوله شكرا ً يا ريس تعبناك معانا، إرتاح بقى وكتر خيرك، آو إرتاح وريحنا خلينا نشوف غيرك.
نيجى بقى لاخوانا بتوع مجلس الشعب لازم انتخاباتهم من أولها لأخرها يقوم بيها القضاة من اول ما يتشرحوا لحد ما يقولولنا هم دول إللى فازوا، دا لأن القضاة حالفين قسم إن لازم يحكموا بالعدل ولما بتكون عندنا مشكلة بنروحلهم المحكمة. وعضو مجلس الشعب لازم يبقى عارف إنه لو نجح كده وكده هيبقى فيه طعن عليه هيتقدم للمحكمه الدستورية العليا قبل ما يكمل شهر فى المجلس والمحكمة هتقولنا فى خلال 3 شهور نجح بالفهلوة ولا فعلا الناس عايزينة، ولو نجح بالفهلوة المحكمة هتقوله روح.
نيجى بقى لقانون الطوارئ إللى بيخلى الشرطة تطيح فينا، ممنوع منعا باتا الريس يعلن حالة الطوارئ إلا إذا كان فيه كارثة فى البلد أو البلد بتحارب ولازم يبلغ مجلس الشعب بالكلام دا فى خلال سبع تيام والمجلس يوافق أو يرفض بالأغلبية ولو كان المجلس فى أجازة يجيبوهم من بيوتهم وإذا كان مفيش مجلس أول ما ينتخبوا مجلس لازم يوافق على حالة الطوارئ وإلا تتلغى ومينفعشى فى كل الأحوال الطوارئ تبقى لمدة أكتر من ست شهور، إلا إذا كان الشعب عايز كده يعملوا له استفتاء ويقول عايز طوارئ كمان وكمان.
ونيجى لقانون الإرهاب لازم يتلغى يعنى مينفعشى آخد واحد مدنى أحاكمه فى محكمه عسكرية وأقول له بمزاجى ملكشى حاجه عندى انا حر اعمل فيك إللى انا عايزه إنشا الله اعدمك.
ونيجى بقى للى مش عاجبه حاجه خالص وعايز الدستور كله يتلغى ويتعمل من اول وجديد بنقوله يا سيدى أول ما يبقى فيه مجلس شعب وشورى يجتمعوا مع بعض وينتخبوا مجموعه يحطولنا دستور جديد خالص ويشوفوا شغلهم بقى يحطوه براحتهم فى ست شهور المهم يطلعولنا حاجه محترمة تقعد العمر كله.
دى يا إخوانا ببساطه قصة التعديلات الدستورية شربنا الشاى وقلناها.

المصدر: باسم نبوى

_________________
الرجوع الى أعلى الصفحة اذهب الى الأسفل
http://wazefa.forumegypt.net
 
التعديلات الدستورية فى قاعدة شاى
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى ارت هاوس :: منتدى ارت هاوس :: المنتدى السياسى العام-
انتقل الى: