1- تصفية = Seiri = Sort
فصل ما هو ضروري عما هو غير ضروري
والتخلص مما هو غير ضروري ووضع ماهو ضرورى
فى متناول اليد أو قريب من مكان الاستخدام
يعنى لوانا فى شغلى او فى بيتى مقعدش أخزن كل حاجة
وكل ورقة وكل قشاية لبكرة وتقعد سنين ملهاش لازمة بس مرمية
أكيد
ممكن غيري يستفيد بيها
طيب أعمل إيه يعني؟؟
إما إني ألجأ لبعض المسئولين عن التخلص من النفايات
دي بطريقة التدوير مثلا و استخدامها في تصنيع حاجة مفيدة
أو إني أشوف مين بيحتاج خامتها مباشرة
و أروح أتبرع بيها يستفيد منها بدل تكويمها عندي
2- تنظيم أو ترتيب = Seiton = Set
ترتيب المكان و المستلزمات
(سهولة الاستخراج- سهولة الاستخدام-
سهولة الإعادة إلى نفس المكان)
يعني من الآخر بلاش الرزم و الأكوام اللي ملقحة
علي المكتب من غير ما حد يعرف يطلع منها حاجة
بتبان قوي لما أنا بأخر عميل و بعطل نفسي و بضيع
من وقتي و وقت كل واحد إحتاج خدمة لمجرد إني مش منظم
3- تنظيف = Seiso = Shine
تنظيف مكان و مستلزمات العمل
أظن بقي دي واضحة "النظافة من الإيمان"
و لازم أتعود تبقي النظافة ثقافتي في نفسي
و بيتي و شغلي و الشارع كمان
4- تقييس = Seiketsu = Standardise
توحيد أساليب العمل ووضع طريقة للتقييم
(المحافظة على كل ما سبق وصيانته)
أيوة ما هو إحنا كدة أقوم يوم أهد الدنيا
و بعدها فجأة أهبط و ترجع ريما لعادتها القديمة
5- تدريب و انضباط = Shitsuhe = Sustain
انضباط العمال في العمل باتباع القواعد و التعليمات
و جعل ذلك كعادة في السلوك الإنساني
ييجي بقي اللي بعدي أعلمه يعمل زيي و تبقي
ثقافة قسم و تتنقل الثقافة لحد ما توصل لمؤسسة
بحالها و يمكن تبقي كمان ثقافة لبلد بأكمله
و يا ريتها تبقي في مصر عشان نفسي أشوف دي ثقافة بلدي